Уг номын зохиогч Д.Цэрэнсодном монгол аман зохиолын сурах бичиг, унших бичиг хоёрын аль алиных нь үүргийг хангахуйц нэгдмэл маягийн дорвитой бүтээл туурвих юмсан гэж хэдэн жилийн турш сэтгэлдээ тээж басхүү бодсоор, бичсээр, эмхлэн цуглуулсаар аман зохиолын 15 төрлийг (зан үйлийн холбогдол бүхий жижиг төрөл, зүйр цэцэн үг, ертөнцийн гурав, оньсого, ерөөл, магтаал, бөө мөргөлийн шүлэг дуудлага, дуу, ардын жүжиг наадам, домог-үлгэр, домог, үлгэр, тууль, бэнсэн үлгэр, холбоо шүлэг) хамарсан энэхүү тайлбарт дээж бичгийг Монгол улсын судар бичгийн хүрээлэн байгуулагдсаны 90 жил, ШУА-ийн Хэл зохиолын хүрээлэн байгуулагдсаны 50 жилийн их ойгоор уншигч түмэндээ барьж байна.