Хоол судлаач, эмч орчуулагч Г.Хулан хүүхдэд зориулсан веган хоолны номыг боловсруулан гаргажээ. Веган хоол нь маханд дургүй, мах иддэггүй хүүхдийн өсөлтийг бүрэн хангаж чаддаг байна. Ер нь хүүхдэд багаас нь аливаа хүнсийг байгалийн амтаар нь идүүлж сургах хэрэгтэй байдаг. Өөрийн гараар шинэхэн бэлдсэн хоол хамгийн амттай бас чанартай болдог. Ургамал дээр суурилсан нэмэгдэл хоол нь уураг, эрдэс бодис, витамин, илчлэг чанар сайтай. Уг номонд хүүхдийг нэмэгдэл хоолонд хэрхэн оруулах, хоол бэлдэхэд юуг анхаарах, хүнсний бүтээгдэхүүний ач тус, хэрхэн хэрэглэх, хүүхдэд өгөх зохисгүй хүнс, зарим нэг өвчний үед идвэл зохих хоол хүнс, эцэг эхчүүдэд хандсан эмчийн зөвлөгөө зэрэг багтсан байна.