Болгарын алдарт зөнч Вангагийн хэлснээр шинэ төрлийн хүүхдүүд Орост хамгийн ихээр төрөх бөгөөд тэд хүмүүсийн, бас манай гарагийн тусын тулд сайн үйлс ихийг бүтээх юм. Энэ нь гасан хүүхдийн тухай хэлж байгаа нь эргэлзээгүй билээ. Үнэндээ бол өнөөгийн бүх хүүхдүүд гасан гэж хэлэхэд болох бөгөөд энэ номыг бүх эцэг эхчүүдэд зориулж байна. Үр хүүхдээ онцгой авьяас чадвараа хөгжүүлэхэд нь бид туслах ёстой, бид юуны өмнө тэднийг хайрлах, бас тэд биеэ яаж авч явж байсан ч, ямар нөхцөл тохиосон ч ямагт тэднийгээ хайрладаг гэдгээ ойлгуулах ёстой. Ингэж байж л хүүхдүүд маань аугаа чухал, эрхэм үүргээ гүйцэтгэж, ертөнцийг илүү ухаалаг, илүү сайн сайхан тал руу нь өөрчлөн чиглүүлж чадна.