Өнөөгийн нийгмийн амьдралын хэрэгцээ, шаардлагаас урган гарч байгаа ард түмнийхээ соёлын өв, ялангуяа тэднийг сурган хүмүүжүүлэх сэтгэлгээний гүнд нэвтэрч, дэвшилттэй уламжлалыг нь сэргээн хөгжүүлэх явдал ирээдүй хойч үедээ өгч буй оюуны асар их хувь нэмэр юм. Зохиогч сургуулийн өмнөх насны хүүхдийн байгууллагад 28 жил тасралтгүй ажилласан баялаг туршлага, сурсан мэдсэн зүйл, уншиж судалсан ном, өвөг дээдсийн сургааль, өв уламжлалыг дээдлэн ирсэний үндсэн дээр Та бүхний үр хүүхдийнхээ оюун ухааныг хөгжүүлэх, хүмүүжүүлэх ажилд нэмэр хандив болгож энэхүү тоглоомын гарын авлагыг эмхэтгэн толилуулж байна. Уг ном нь монгол ардын уламжлалт аман наадам, хөлөгт тоглоом, шагайн наадам, монгол улсын төрийн билэгдэл, монгол ардын тооны билэгдэл гэсэн 5 хэсгээс бүрдэнэ.