Эх дэлхийн энгэр биеэр байгаль ээжийн өөрийн бүтээсэн хийгээд хүний гараар буй болсон хоёр төрлийн гайхамшиг буй. Дэлхийн хүн төрөлхтний байгалийн үнэт өвд бүртгэгдсэн энэхүү гайхамшигт сайхан газруудын талаар, түүний гарал үүсэл, түүх, газар зүй, биологийн талаас нь давамгайлан тоочиж таны оюун санаанд хөрөнгө оруулахыг зорьлоо. Эрхэм уншигч та бидэнтэй хамт төсөөлөл, мөрөөдлийнхөө жигүүрээр эгц цавчим хад, энгүй уудам элсэн цөл, аймшигт сүр хүчит хүрхрээ, гол мөрөн, газар доорх ертөнц, гүн далайн ёроол хүртэл аялаарай. Хамтдаа эх дэлхийнхээ байгалийн сүр хүчийг сүрдэн биширч, шагшин гайхаж, магтан дуулъя хэмээн эрхэм уншигч таныг урин залж байна. Энэ ном таныг байгаль ээжийн гайхамшиг цогцолсон онцгой сайхан газруудад хөтлөн хүргэх болно.