Монгол

Монгол улсын гавьяат барилгачин, ахмад инженер, хурандаа генерал, төр нийгмийн нэрт зүтгэлтэн Сономын Лувсангомбын туурвисан энэ ном тодорхой нэр заасан хүмүүсийн талаарх дурсамж, найз нөхөд, зарим удирдлагынхаа дурсгалд зориулан өргөн барьсан сэтгэлийн өргөл мэт боловч XX зууны Монгол улсын бүхий л ардын аж ахуйн салбаруудын хөгжлийн уялдааны он дарааллын баримт, дүр зураглал, түүхийн бодит үнэнийг гэрчлэх нотолгоо болохуйц бүтээл болжээ. Мөн тухайн үеийн нам, төрөөс явуулж байсан бодлого, хэрэгжилт нь ямархуу арга барилаар биелэгддэг, аливаа чухал асуудлыг зайлшгүй шаардлагын үүднээс урьдчилан хэрхэн төлөвлөж, боловсруулдаг, хэрэгжүүлдэг байсныг ер нь улс, хувьсгалын ялалтын дараах 1921 оноос хөгжил дэвшлийн он жилүүдэд Улаанбаатар хотыг хөгжүүлэх, хөдөө аймаг, сум суурин, сангийн аж ахуйн төвүүдийн суурь тавигдаж, хөгжил нь хэрхэн өрнөсөн, Монгол улсыг хөдөө аж ахуй-аж үйлдвэрлэлийн орон болгож өнөөгийн хөгжил дэвшлийн түвшинд хүргэсэн түүхэн замналын баримт нотолгоог үзүүлсэн байна.  