Уг бүтээлд түүхий эдийн чанар, бүтэц найрлага түүнд тавих эрүүл ахуйн хяналт, түүхий эдийг өөрийн орны байгаль цаг уурын өвөрмөц нөхцөлд чанартай бүтээгдэхүүн болгож, түмэн олноо хүнсний аюулгүй, экологийн цэвэр бүтээгдэхүүнээр хангах асуудлыг, үндэсний уламжлалт аргатай хослуулан боловсруулж, орчин үеийн шинэ технологийг үйлдвэрлэл, практикт тусгасан байна. Мал, амьтны гаралтай амин дээд ашигт чанарыг баяжуулан төгөлдөржүүлэх аргыг зах зээлийн нөхцөлд, өндөр чанартай бүтээгдэхүүнээр өрсөлдүүлэн тэргүүлэх тулгуур технологийн нарийн аргачлалыг өргөн хүрээтэй гарган тавьжээ. Мөн үндэсний болон гадаадын мэргэжил нэгтэй эрдэмтэд, эрдэм шинжилгээний байгууллагын боловсруулсан технологи, зохиол бүтээл, сурвалжийг нарийн тунгаан зэрэгцүүлэн дүгнэсэн байна.