Эрхэм уншигч танаа Румыны Гадаад Тагнуулын Газрын орлогч даргын албыг хашиж байгаад 1978 онд улс төрийн орогнол хүсч, эх орноосоо дүрвэсэн дэслэгч генерал Ион Михай Пачепагийн бичсэн 'Тэнгэрийн улаан хаяа' номыг румын хэлнээс орчуулан хүргэж байна. Румыны Аюулаас Хамгаалах Газар, Гадаад Тагнуулын Газар маш их хүчтэй байгууллага байсан гэдгийг ялангуяа Баруун Европын ихэнх том гүрнүүд бүрэн хүлээн зөвшөөрдөг. Гэтэл энэ том хүчтэй байгууллагыг удирдаж байсан дэслэгч генерал Ион Михай Пачепа удах тусмаа улс орноо залж байгаа хүмүүс өөрсдөө ямар их ёс зүйн гажуудалтай, ард түмнээ хүн гэж хэзээ ч тоодоггүй, цөөхөн хэдэн бүлэг хүмүүс эрх мэдэл, албан тушаалаар далайлган бүхэл бүтэн ард түмнийг яаж мөлжиж байдгийг мэдэрч улмаар өөрөө энэ аймшигт дэглэмийн гар хөл болж байгаадаа гэмшин оргон зугтаасан билээ. Энэ номонд капитализмыг нэгдүгээр зэргийн дайсан болохыг тодорхойлон заасан, зүүн Европт хамгийн тууштай марксист үзэлтэй дотоод бодлого хэрэгжүүлсэн, 20 гаруй жилийн турш туйлын их хүчирхэг байсан коммунист удирдагчийн дэргэд өдөр бүр хамт өнгөрөөсөн Ион Михай Пачепагийн амьдралын тухай өгүүлэх болно.