Нэрт монголч эрдэмтэн, Католик шашны санваартан А.Мостаэрт абугай Өлзийжав гэгчийн туслалцаатайгаар Католик шашны хэд хэдэн номыг монгол хэлээр орчуулж, уйгуржин монгол бичгээр хэвлүүлсэн байдаг. Тэдгээрт Чухал ёсны суртал (Catechism), Нэгэн үзмэгц тодорхой мэдэх дэвтэр (Clear Understanding in the Twinkling of an Eye), Чухал ёсны тайлбар (Explanation of Catechism), Арилгах орны сүнсдийн cap (The Month of the Souls in the Purgatory) зэрэг бүтээлүүд орно.

2014 онд Антоон Мостаэрт Монгол Судлалын Төвөөс дээрх дөрвөн номоос хоёрыг нь буюу Чухал ёсны суртал, Чухал ёсны тайлбар номуудыг монгол бичгийн эх болон кирил үсгийн хөрвүүлэгтэйгээр хэвлэж, католик шашинтан, эрдэмтэн судлаач, эрхэм уншигчдын гарт хүргэсэн билээ. Энэ удаа Арилгах орны сүнсдийн cap хэмээх номыг өмнөх номуудын адилаар хэвлэж байна.

Тус ном нь хүн үхсэний дараа гэм буруутай бол сүнс нь Арилгах оронд очдог, тэнд сүнс их зовж зүдэрдэг бөгөөд тэндээс сүнсийг аврахын тул юун түрүүн залбиран даатгах, миса уншуулах хэрэгтэй тухай олон түүхийг гучин өдрөөр товчоолон өгүүлсэн агуулгатай юм. Тус номд тохиолдох зарим үг хэллэгийг уншигч танд ойлгомжтой болгох үүднээс хятад, англи хэлний бичлэг, монгол орчуулга зэргийг хавсаргасан байна.