Энэ бол бичиг үсэг анх сурч буй хүүхдүүдийн үзэх цагаан толгой. Энэхүү цагаан толгой нь үсэг сурахын өмнөх үе, цагаан толгой үзэх үе болон цагаан толгойн дараах үеийг бүрэн хамарсан. Агуулга, үсэг бүрийг таниулахад зориулсан, хүүхдийн орчин, амьдралд ойр атлаа таниулах авиа үсгийнхээ онцлог шинжийг илэрхийлж тодотгосон эхүүдтэй. Тэдгээр эхүүдийг уншиж өгч, ярилцах нь хичээлийн удиртгал сэдэлжүүлэлт болно. Үүний дараа авиа үсэгтэйгээ танилцах, түүнийг таних, сурах, бататгах дасгалууд хөнгөнөөс хүнд, хаалттайгаас нээлттэй, бүтээлч түвшин рүү системтэйгээр хөтөлнө. Таниулга, дасгал даалгаврын боловсруулалтын үүднээс тус ном орчин үеийн сурахуйн болон заах аргазүй, сурах бичгийн шаардлагыг бүрэн хангана. Түүнчлэн энэхүү ном нь сургалтын цогц хэрэглэгдэхүүн юм. Учир нь түүнийг хичээнгүй бичгийн дэвтэр, дасгал ажлын ном, үсгийн сан, багшийн ном дагалдана. Тэдгээрийг залгамжлан түвшин бүрээр ахих унших бичгүүд ч удахгүй бэлэн болно.