Хамгийн сүүлийн үеийн шинэ мэдээ, ном хэвлэл, сансрын зургийн мэдээллийг ашиглаж нэмэлт мэдээлэл оруулан газар усны нэр, ашигт малтмалын орд, жуулчдад холбогдох мэдээллийн нэрийн индексийг үсгийн дарааллаар төрөлжүүлэн бэлтгэж зургийн ард байршуулснаар ашиглахад дөхөм болсон. Мөн газрын гадарга (уул нурууд, тал хөндийг сансрын ортофото зураг ашиглан үзүүлсэн ), гол мөрөн, нуур, зам харилцаа, (төмөр зам, авто зам) ой, улсын тусгай хамгаалалттай газар нутаг, ашигт малтмалын орд, түүх соёлын дурсгалт газрууд (эртний бууц, суурин, хадны зураг, буган хөшөө, эртний бичээс, гэрэлт хөшөө, хүн чулуу, булш, хиргисүүр, эртний хотын туурь, хэрэм балгас, буддын сүм хийд, сүм хийдийн туурь гэх мэт) холбоо, уурхай, аялал жуулчлалын бааз, амралт сувиллын газар, музей, төрийн ба нутгийн тахилгатай газар, байгалийн үзэсгэлэнт газар, агуй, эртний амьтдын үлдэгдэл олдсон газар, хүрхрээ зэрэг мэдээллийг тэмдэгтээр байршуулан үзүүлж, тайлбарыг нь төрөлжүүлэн бичсэн байна. Газрын зургийг эвхмэл байдлаар болон хананд байрлуулж ашиглана.