Ургамлын үрийг гадаа талбайд биш, харин орон гэртээ тусгайлан бэлдсэн савтай хөрсөнд тарьж ургуулсан тэр цаг үеэс “тасалгааны ургамал” гэдэг нэршил бий болжээ. Хэрэв та гэртээ, албан тасалгаандаа ургамал тарих гэж байгаа бол нэг зүйлийг сайтар мэдэж авах хэрэгтэй. Ургамал амьд бие учраас байнгын арчилгаа, халамж шаардана. Ургамал бүхэн өөрийн гадаад шинж тэмдэг, гарал үүсэл, ургах орчин, арчилгааны онцлогтой. Уг бүтээлд цэцгээрээ гоёдог, тасалгааны 59 овгийн 175 төрлийн 522 зүйл, сорт ургамлын латин нэр, монгол нэр, орос нэр, таних үндсэн шинж, ургах нөхцөл, арчилгаа болон бүх ургамлын фотозургийг оруулсан байна.