Хүний их эмч, судлаач Д.Бадамсүрэн, Б.Сувдаа, Д.Цэрэндагва, Б.Цэрэндаш нарын туурвисан 'Элэгний цирроз' номыг эмч, эмнэлгийн мэргэжилтэн, уншигч та бүхэнд толилуулж байна. Судалгааны баг 2000 оноос элэгний циррозын бүтэц зүйн болон цусны бүлэгнэлтийн тогтолцооны судалгаа хийж, сүүлийн 10 гаруй жилийн судалгааны үр дүнг эмчилгээний практикт нэвтрүүлж, тэр үр дүнгээ нэгтгэж ном болгожээ. Монголчууд 'элэгний цирроз' гэсэн оношийг сонсоод их цочирдог, эдгэшгүй найдваргүй өвчин туссан мэт ойлгодог. Циррозыг эрт оношлох, даамжралд хүргэхгүй байх, хүндрэлээс урьдчилан сэргийлэх боломж бий. Уг номыг уншиж судалснаар элэгний цирроз өвчний эмгэг жам буюу хүний бие махбодид явагдаж байгаа биохимийн урвалуудыг танин мэдэж, эмчилгээний тактикдаа тусгаж, хэрэглэх боломжтой болно. Бүтээлд элэгний цирроз өвчний хүндрэлүүд болох элэг дэлүү томрох, элэг-тархи, элэг-бөөр, элэг-уушги, элэг устгах, цус алдах зэрэг хүндрэлүүдийн явц, ялган оношлогоо, эмчилгээг тус тусад нь ангилан тусгаснаараа онцлог болжээ.