Монгол

МУ-ын Төрийн шагналт хошой шагналт, Ардын зураач, XX зууны манлай Очирын Цэвэгжав гэдэг алдарт зураачийн мэндэлсний зуун жилийн ой тохиож, эх орны маань соёлын амьдралд олон сайхан үйл явдал өрнөж байна. О.Цэвэгжавын уран бүтээлийн нэгэн онцлог тал, хөдөлгөөнийг илэрхийлдэг арга, эрчим идэвх, тэр нь нийт дүрслэлийн агаар амьсгал, өнгө зүс, үзэл санааг илэрхийлж, амьд бодитой дүр бүтээсэн нь юу юунаас чухал юм. Эрчимт хөдөлгөөн (экспрессивность) гэдэг хэлбэрийн хувьд гүн ухааны, уран сайхны барилгын хувьд уран чадварын асуудал юм. Түүний 'Азарганы ноцолдоон', 'Эмгэг сургалт', 'Бухын мөргөлдөөн', 'Холбоочин', 'Түмний эх', 'Анхны наадам', 'Бөх' зэрэг бүтээлүүд жинхэнэ уран бүтээлч амьдралын зөрчилд тулгуурлаж амьд бодитой дүр бүтээдэг урлагийн хөгжлийн жам ёсоор монголын уран зурагт хувьсал хөгжлийн уг чанар, түүхэн зорилтоос урган дэвшүүлсэн идэвхитэй зарчмыг номолсон чин шударга дүр төрх, үндэсний хэлбэр, шинэсгэх агуулгатай байдагт түүний бүтээсэн уран сайхны дүрийн үнэ цэнэ оршино.  