Эцэг эхчүүд бүгд л үр хүүхдээ ухаантай, боловсролтой, мэдлэгтэй хүн болгохыг зорьдог. Гэхдээ хүүхэд бүрийн ой тогтоолт, анхаарал төвлөрөлт өөр байдаг тул бага наснаас нь ой тогтоолтыг хөгжүүлэх дасгал хийлгэж байх хэрэгтэй. Хүүхдийн тархинд маш нарийн сэтгэх ажиллагаа явагдаж байдаг агаад хөхүүл ба цэцэрлэгийн насны хүүхдийн ой тогтоолт нь өөр байдаг. Төрснөөс эхлээд хоёр хүртэлх насандаа хүүхэд 'богино ой тогтоолтой' байдаг тул байнга давтагддаг юмыг амархан цээжилдэг байна. Нэг настай хүүхдэд тоглоомоор нь дамжуулан ахуйн эд зүйлсийг таниулах хэрэгтэй ба хоёр наснаас нь эхлэн үлгэр, ном уншин цээжлүүлж дараа нь өөрөөр нь яриулах хэрэгтэй. Энэ номтой ажилласнаар таны хүүхэд аливаа зүйлсийг өнгө, хэлбэр дүрс, их бага, төрөл зүйлээр нь ангилан ялгах, дугуй, гурвалжин, дөрвөлжин дүрсүүдийг таних зэрэг чадамжийг эзэмших болно.