Бөмбөрцөг цэнхэрхэн дэлхийн таван тивийн орнуудаас хүн амьдрах хамгийн тохиромжтой, сайхан нийгмээр бүх хотууд нь эхний аравт эгнэн жагссан энэ орны ард түмэн хэрхэн яаж аж төрдгийг уншигч танд толилуулж байна. Энэхүү орны гайхамшигт бүтээн байгуулалт, түүх, соёл иргэншил, хөгжил дэвшил, нийгэм ахуй, ард иргэдийн амьдралын онцлогоос уншигч тантай чадлынхаа хирээр хуваалцахын сацуу, хүний нутгийн хатуу хөрсөн дээр амьдрах гэж зүтгэж буй олон мянган монголчуудын нэгээхэн хэсэг болсон манай гэр бүл Австрали хэмээх ногоон тивд суурьшин амьдрахдаа хуримтлуулсан туршлагаасаа хуваалцах болно. Түүнчлэн энэ тивийг сонирхож буй, сурч боловсрох, ажиллаж хөдөлмөрлөх, аялж жуулчлах, амьдран суурших, ажил хэрэг эрхлэх хүсэлтэй хэн бүхэнд энэ номоороо дамжуулан хэрэгтэй гэсэн бодит мэдээллийг багцлан хүргэж байна. Зохиогчид