Агь Сиддхарта нь цоглог, ухаалаг, эелдэг зөөлөн, маш онцгой хүүхэд байжээ. Зовлон зүдгүүр үзэлгүй, эцгийнхээ үзэсгэлэнт ордны хэрмэн дотор өссөн байна. Агь нас биед гүйцээд, эцгийн хүслээр бус, өөрөө шийдэн ордны хэрмээс гараад, анх удаа өтөлсөн, өвчилсөн хүн болон үхлийг тохиолдлоор харжээ. Энэ бүхэнд залуу агь тун харууссан байна. Тэгээд л агь юу хийх ёстойг ойлгосон гэдэг. Энэ ном бол Агь Сиддхартын гайхамшигт цадиг бөгөөд түүний яаж гэгээрч, Будда болсныг өгүүлнэ. Энэ бол бүх насны хүүхдийн сэтгэл зүрхийг хөндсөн энх амгалан бөгөөд элбэрэл хайрын тухай сониноос сонин туурь мөн.