Монгол

Үндсэн хууль бол тусгаар тогтнол, бүрэн эрхт байдлыг бэхжүүлсэн эрх зүйн язгуур үндэс билээ. Энэ хуулийг чандлан сахиулах гол баталгаа нь Монгол Улсын Үндсэн хуулийн цэц бөгөөд Үндсэн хуулийн биелэлтэд 'шийдвэр' гаргах замаар дээд хяналтыг хэрэгжүүлдэг.   Үндсэн хуулийн цэц нь байгуулагдсан цагаасаа эхлэн хууль тогтоох байгууллага, бусад эрх мэдэл бүхий субъектын ажлыг засан сайжруулан өөрийн чиг үүргээ хэрхэн биелүүлж ирснийг энэ бүтээлээс тоймлон харж болно.   Энэ бүтээлийг эмхэтгэн гаргагчид нь Монгол Улсын Их Сургуулийн Хууль зүйн сургууль үүсэн байгуулагдсаны 55 жилийн ойд зориулан Монгол Улсын Үндсэн хуулийн цэцийн анхны шийдвэрээс эхлэн 2015 оны 11 дүгээр сарын 17-ны өдрийг хүртэл 'Төрийн мэдээлэл' эмхэтгэлд нийтлэгдсэн дүгнэлт, тогтоолыг тоймлон судлан түүвэрлэж эрх зүй сонирхогч хэн бүхний хүртээл болгохыг зорьжээ.   Ингэхдээ Үндсэн хуулийн цэцийн шийдвэрийг Үндсэн хуулийн зүйл, хэсэг, заалт, холбогдох маргааны зүйлээр нь төрөлжүүлэн хялбарчлан эмхэтгэсэн нь эрх зүйн аливаа судалгаа хийхэд дөхөм болох нь дамжиггүй.  