Залуу яруу найрагч О.Цэнд-Аюуш дуу шүлэг бүтээлээрээ хэдийнээ олны танил болсон билээ. Тэрээр шүлэг, уран өгүүлэмжийн шинэ номоо уншигч түмэндээ барьж байна. Мананд төөрсөн их талд нэг очих юмсан Магадгүй намрын буга ч бас үүнийг мөрөөддөг байх Орчлонгийн оргүй хоосон дотор багтаж Одод амарсан их талд нэг очих юмсан Уулын буга ч үүнийг бас мөрөөдөж Уран хөлөө бэл рүү нэг зөөдөг байх аа Нойтон майхан дотор ганцаардан сууж Норсон буга дэргэд ирэхийг үзэхсэн Монголын их тал өөрийгөө түүнээс нууж Моддын оронд манан өтгөрөхийг нэг үзэхсэн Арван хоёр салаа эвэрт нь үүлс тээглэж үлдээд Ариун тэргүүн дээр нь сэмэрч байгаа буга Улам өвгөрч байгаа их талын дунд Урамдахаар зэхэж байхыг үзэхсэн...