Монгол

Хэрээсэн хатгамал нь хатгамалын урлагийн дотроос хамгийн эртний бөгөөд хамгийн түгээмлээр тархан хөгжиж буй түүхэн урлал билээ. Дэлхийн олон орны хатгамалчид, урлаачид энэхүү хатгамалыг шимтэн сонирхож хийж бүтээсээр ирсэн нь хүн төрөлхтний уран бүтээлийн урын сангийн нэгэн хэсэг болж, улам баяжигдсаар ирсэн түүхтэй. Сүүлийн үед манайхан энэхүү урлалын төрлийг ихэд сонирхон нилээд түгээмлээр хийх болсон нь сайшаалтай. Гэвч сэтгэлээ шингээн гараа чилээн байж хийж буй зүйлийнхээ үүсэл гарал, утга учир, мөн чанарыг бид хир мэдэж байгаа билээ, юуны учир ингэтлээ шимтэн хийх болов оо гэдэгт бага ч болов хариу өгөх, эдгээрийг мэдэхэд тус дөхөм болох үүднээс энэхүү номыг хэвлэн гаргасан байна.  