Боловсролын социологи
Зохиолчийн бусад номууд
Ихэвчлэн хамт авдаг
Санал болгох
Танилцуулга
Энэхүү сурах бичгийг Боловсрол судлалын чиглэлээр суралцаж буй бакалавр, магистр, докторантад зориулан бүтээв.
Уншигч та тус сурах бичгээс Боловсролын социологид хамаарах үндсэн ухагдахуун, гол үзэгдлүүдийг танин мэдэхийн хамт эдгээрт социологийн анализ хийх арга барилд суралцана.
Сурах бичигт онолын мэдээллийн хамт хэрэглээний дасгал, даалгавар багтааж, онол практик хоёрыг хослуулахыг хичээсэн.
Боловсролын социологи нь 20-р зууны дунд үеэс үүсэн хөгжсөн шинэхэн шинжлэх ухаан бөгөөд тэрээр өөртөө олон салбарыг нэгдмэл байдлаар авч үздэгээрээ онцлог.
Боловсролын социологи нь дэлхийн улс орнуудад өөр өөрийн дүр төрх, агуулгатай бөгөөд эдгээр нь манай орны нөхцөлд тэр бүр тохирдоггүй.
Сурах бичиг нь 4 бүлэгтэй бөгөөд эдгээрт тухайн сэдэвт хамаарах үндсэн ойлголт, хэрэглээ хоёрыг хамтад нь авч үзсэн.
1-р бүлэгт Боловсролын социологи гэж юу болох, түүний судлах зүйл, зорилго, бүтэц, үндсэн асуудал зэргийг авч үзсэн.
2-р бүлэгт өнөө үед дэлхий даяраа хэрэгжүүлж буй Тэгш хамруулан сургах боловсрол, Тогтвортой хөгжлийн үзэл санаа, “Боловсрол 2030” Инчоны тунхаглалын “Удиртгал” хэсгийн гол заалт, Насан туршийн боловсролын үзэл, санааг авч үзсэн.
3-р бүлэгт Боловсролын социологид өргөн хэрэглэдэг чанарын судалгааны арга болох ажиглалт, ярилцлага хийх, асуулга авах, эх материал судлах болон боловсролын үзэгдэлд социологийн анализ хийх аргыг яаж хэрэглэхийг дэлгэрэнгүй авч үзсэн.
4-р бүлэгт Боловсролын үндсэн үзэгдэл болох боловсрол, боловсролын бодлого,
боловсролын зорилго, боловсролын агуулга, багшлахуй, суралцахуй, ангид болж буй процессууд, сургууль, боловсролын чанар, нийгэмшил, мэргэжлийн баримжаа, сонголт, жендэрийн боловсрол, бүсчилсэн хөгжил ба боловсрол, нийгмийн хэсэг, давхарга ба боловсролын уялдаа холбоо, хамаарлын талаар дэлгэрэнгүй өгүүлсэн.
Сурах бичгийг судлах та хэсэг бүрт буй эргэцүүлэх асуулт, даалгаврыг хийж гүйцэтгэж байж социологийн анализ хийх арга барилаа хөгжүүлнэ.
Сурах бичгийн хэсэг тус бүрийн төгсгөлд буй сорилын жишиг даалгаврыг гүйцэтгэж, мэдлэг чадвараа хянах боломжтой.
Үзүүлэлт
- ISBN-13 : 9789997350435
- Худалдаанд гарсан огноо : 2021-10-12
- Формат : Зөөлөн хавтастай
- Нүүрний тоо : 224 нүүр
- Бүтээлийн хэл : Монгол
- Жин : 355 гр
ISBN-13 | 9789997350435 |
---|---|
Худалдаанд гарсан огноо | 2021-10-12 |
Формат | Зөөлөн хавтастай |
Нүүрний тоо | 224 нүүр |
Бүтээлийн хэл | Монгол |
Жин | 355 гр |
Зохиолчийн талаар
Хэрэглэгчийн сэтгэгдэл
Сэтгэгдэл үлдээх
Хэрэглэгчийн сэтгэгдэл байхгүй