Монголын мэс заслын нийгэмлэгийн ерөнхийлөгч, ШУА-ийн болон АУА-ийн академич, АШУ-ны доктор, профессор Начингийн Баасанжав, АУ-ны түүх судлаач, нийтлэлч, клиникийн профессор Ядамын Жамбалдорж нарын туурвисан 'Монгол мэс заслын нэгэн зуун' ном уншигч та бүхний гар дээр очиж байна. Энэхүү номыг бүтээгчид нь Монголын мэс заслын хөгжлийн нэгэн зууны адармаатай түүхийг нэгтгэн босгож, өнгөрсөн, одоо, ирээдүйг холбосон үнэ цэнэтэй бүтээл болсон байна. Монголын мэс заслын хөгжлийг 5 үе шат болгон хувааж, он дарааллаар нь танин мэдэхүйн толины хэлбэрээр тайлбарлан бичсэн тул уншихад хялбар, ойлгомжтой, цэгцтэй мэдлэг өгөх гарын авлага болжээ.