Оросын философич, хэл шинжээч, соёл иргэншил судлаач-эрдэмтэн, үзлийнхээ улмаас баруунд цагаачлан амьдарч бйасан Николай Сергеевич Трубецкой (1890-1938) бол XX зууны эхэн үеэс үүсэн тэрлэж, улс төр-үзэл суртлын номлол, улс төрийн хөдөлгөөний шинжээр голлон дэлгэрч байсан евроазичлах үзэл санааны түүх, иргэншил, нийгэм-философийн онолжуу үзлийг үндэслэгч хэмээн зүй ёсоор хүлээн зөвшөөрөгдсөн нэгэн билээ. Түүний туурвисан 'Чингис хааны өв: Оросын түүхийг Өрнөөс бус, Дорноос сөхөн үзэхүй' хэмээх бүтээлд дэвшүүлж буй үзлийн гол цөм агуулгын онцлог нь Чингис хааны Евразийн тэр дундаа, Оросын түүхэнд гүйцэтгэсэн онцгой үүргийг Чингис судлалын аль ч салбарт ярьдгаас өөр өнцгөөс харж судалсанд оршино.