Багш aa гэж дуудуулах эрхэм сайхан хувь ерөөл, алдар хүндийн эзэн байж, Хевсгөл түмний оюуны амьдралын нэгээхэн оргил болж яваа гавьяат багш нарын цадиг товчоон бүтээгдэж байна. Монгол төрийн сайдын албыг хашиж, улс орондоо боловсрол, шинжлэх ухааныг хөгжүүлэх бодлогыг тодорхойлж ажилласан Гэгээрэл, Боловсрол, шинжлэх ухааны сайд Б.Наваан, С.Чойжамц, Б.Ширэндэв, Ө.Энхтүвшин нар болон БСШУ-ны дэд сайдаар ажиллаж байсан Б.Дамдинсүрэн, Улсын дээд, тусгай дунд, техник мэргэжлийн боловсролын хорооны орлогч, нэгдүгээр орлогч даргаар ажиллаж байсан Т.Дашцэдэн багш нарын намтар товчоон энэхүү номын эхний хэсэгт зүй ёсны байраа эзэлжээ. Хоймор нутгийн гавьяат багш нарын цадиг товчоон' номыг 2016 онд тохиох Хөвсгөл аймагт гэгээрэл, боловсролын байгууллага хөгжсөний 85, судалгаа арга зүйн төв байгуулагдсаны 60 жилийн ойд зориулан энэхүү он цагуудад өөрсдийн нийгэмд эзлэх байр суурь, бүтээлч сэтгэлгээ, хөдөлмөр зүтгэлээрээ онцгойрон байсан Монгол улсын хөдөлмөрийн баатар цолтон багш 3, ардын багш цолтон 3, гавьяат багш 35 хүний намтар, ажил үйлс, дурдаталыг нэг цогц бүтээл болгож чадсанд номын үнэ цэнэ оршиж байна.