1921 оны хувьсгалын үйл хэрэгт оролцож, Монголын төр, нийгмийн хөгжилд, ялангуяа эмэгтэйчүүдийн эрх тэгш байдал, тэдний мэдлэг, соёл, боловсролыг хөгжүүлэхэд бүтээсэн алдар гавьяа нь хойч үедээ үлгэр дууриалал болсон алдарт хүмүүсийн нэг нь Нэмэндэйн Янжмаа юм. Энэ эрхэм хүний талаар, доктор Х.Мэндсайхан МУ-ын Үндэсний төв архив, МАН-ын Баримтын төв, Үндэсний музейн хөмрөгт хадгалагдаж буй Н.Янжмаагийн намтар, түүний ажил үйлстэй холбогдох баримтуудыг нэгтгэн, мөн түүний хүү С.Галсангийн үр хүүхэдтэй уулзан ярилцаж, мэдээ сурвалжуудыг цуглуулсны үндсэн дээр хоёр бүлэг судалгааны бүтээлийг судлаачид болон олон түмэндээ толилуулж байна.