Шүлэг, яруу найрагт дурлана гэдэг тэр хүний сэтгэлийн гэрэл гэгээ, бодол ухаарлын гялбаа юм. Хайр сэтгэл, харамсал гуниг л хүний сэтгэлийг өөрийн эрхгүй хөндөж жаргал зовлонгийн тухай эргэцүүлэхэд хүргэдэг байх л даа. Энэхүү бэсрэгхэн номын эзэн ч сэтгэлээ өөрийнхөө аясаар буулгасан нь энэ билээ. Хүн ер нь өөрийнхөөрөө байх сайхан. Тэрээр сүрлэг дүнсгэр уулс, дөлгөөн цэнхэр далай ээжийн нутгийн охин ажээ. Өөрийнх нь шүлэгт өгүүлснээр 'Сарны нулимсыг наранд шивнээгүй уул ус'-ны хөг эгшгийг сонсож, мэдэрч өссөн гэхэд болох ажээ.