Монгол ардын хээ угалз нь монголын ард түмний аж ахуй амьдралаас үүдэн гарч ирсэн, үндэсний онцлогтой, өвөрмөц, уран дүрслэлтэй, өнгөний зохицол, нэгдэл, тэг зурлага зураас зэрэг олон утга санаа нь билэг дэмбэрэлийн агуулгыг илэрхийлж байдаг ба ард түмний уран сэтгэмж, оюуны соёлыг багтаасан, чимэглэх урлагийн дотор өвөрмөц хэлбэр дүрслэлээрээ үүсч хөгжиж ирсэн ба өнөө цагт үеэс үед уламжлагдан агуулга хэлбэр нь улам баяжиж, хөгжиж байгаа билээ. Мөн хээ угалзын урлагийг бүтээх, урлах арга зүйг сурвалжилж, таниулах олон түмэнд түгээн дэлгэрүүлэхэд ардын урлагийн мастерууд, судлаач эрдэмтэн, зураач урчууд үнэтэй хувь нэмрээ оруулсаар байна.