Мэдээллийн систем нь хүний нөөц, технологи болон өгөгдлийг цуглуулах, өгөгдлийг хадгалах, дамжуулах, сэргээх, боловсруулалт хийх, өөрчлөх, төрөл бүрийн хэлбэрээр дүрслэн харуулах, гаргах, түгээх үйл ажиллагааны нэгдэл юм. Иймд зөвхөн мэдээллийг боловсруулах програм хангамж, техник хангамж, сүлжээ, харилцаа холбооны технологи биш, тэдгээрийг боловсруулан хөгжүүлдэг, мэдээллийн системийг хариуцан ажиллуулж, түүний хэвийн, найдвартай үйл ажиллагааг ханган ажилладаг, удирдан зохион байгуулдаг хүмүүсийг, тухайн системээс боловсруулан бий болгосон өгөгдөл болон мэдээлэл, тэдгээрийг шууд ба шууд бусаар ашигладаг хүмүүс, цаашилбал мэдээллийг ашиглахад чиглэсэн бизнесийн цогц үйл ажиллагаа, тэдгээрийн бүрэлдэхүүн хэсэг хоорондын болон гадаад орчин, бусад талуудтай (системтэй) харилцан уялдах, зохицуулах дүрмийг агуулна.