'Тэнгэр шиг нөмөртэй миний аав', 'Аврал хайрладаг шүтээн', 'Миний нар' гэх мэтээр гарчигласны дотор аавтайгаа байхын аз жаргал, аавгүй байхын харуусал гунигийг илэрхийлсэн хүүхдийн сэтгэлийн үг бий.Хүүхэд насны сэтгэлийг шинжихүйеэ элэг бүтэн амар амгалан гэр бүл, тэдний хайр энхрийлэл, аз жаргал бялхсан амьдрал аж. Аавдаа бичсэн сэтгэлийн үгтэй захидлуудад аав нь алаг үрсийнхээ сэтгэлд өнгө бүрээр буусныг үгийн уран, цэцийн яруугаар илэрхийлсэн байна. Тухайлбал: 'Дэндуү хэнэггүй залуу насандаа Дээлэндээ багтаж ядсан аав минь Дэлхий эргэж жаран өнгөрөхийн үед Дээлэндээ багадаж түүртсэн аав минь', 'Аавыгаа би нартай зүйрлэхгүй, хиртчихнэ Аавыгаа би цэцэгтэй зүйрлэхгүй, гандчихна Аавыгаа би одтой зүйрлэхгүй, холдчихно Аавыгаабитэнгэртэйзүйрлэхгүй,харанхуй нөмөрчихнө Та бол зөвхөн миний аав', 'Уул хад шиг сүрлэг ч Урсгалгүй уул мэт дөлгөөн Уух дарсанд хөлчүүрээгүй Ухаан төгс аавдаа би хайртай', 'Аавын үгүйд гэр эзгүй Аавын үгүйд сэтгэл эзгүй Аавын үгүйд нутаг эзгүй Аавын үгүйд ертөнц эзгүй' гэхчлэн үгийн яруу тансгийг аавдаа л зориулжээ.