Дэлхий эжийгээ хайрлан байж, нүүдлийн өв соёлоо дээдлэн байж 950.0 мянган монголчууд, 200.0 сая малтай дэлхийн талын дайтай газар нутагт элгээрээ энх амгалан, төрлөөрөө төвшин амгалан оршиж байсныг та бидэнд үл мартуулахаар, түүхт өвөг дээдсүүдийн минь гайхамшигт билигт ухааны хосгүй нандин нэгэн бүтээл бидний гар дээр ийнхүү мэндэлж байна. Амьдрах хэв маяг, орших үндэс суурь нь дэлхийн амийг тээх энэ л эрдэс баялгууд, эрдэнэт чулуулгууд болсон өнөөгийн соёлт хүн төрөлхтний хөгжлийн буруу чиг хандлагыг зогсоохоор, өөдлөн дэвжих өөр зөв гарц бий гэдгийг таниулахаар өндөр өвгөд минь ороо бусгаа энэ цагт нүүдэлчин, малчин ухааны 1080 цуврал судруудынхаа оньсыг нээж, 'НҮҮДЛИЙН СОЁЛ' хэмээх эл толгой судраа хөрстөд буулгаж байна.