Монголд 1990-1992 онуудад МУБИС, МУИС-д сэтгэл зүйч болон нийгмийн ажилтныг бэлтгэх ангиуд шинээр нээгдэж мэргэжилтнүүдийг сургаж эхэлсэн ба одоо 'Нийгмийн ажилтан' төрөл бүрийн салбарт идэвхитэй үйл ажиллагаа явуулж байна. Харин сэтгэл зүйчид ялангуяа Ерөнхий боловсролын дунд сургуулиудад үйл ажиллагаагаа төдийлөн өрнүүлж чадахгүй байгаа билээ. Иймээс Ерөнхий боловсролын дунд сургуулиудад сэтгэл зүйчид албаа нээж идэвхтэй ажиллахыг хүсэн энэхүү номыг дахин хэвлүүлж байна. Уг номонд ЕБС дээр сэтгэл зүйн алба зохион байгуулах сэтгэл зүйчийн ажилд туслах арга зүйн материалуудыг оруулсан болно.