Монгол

Эрс тэс уур амьсгалтай манай орны хувьд барилга байгууламжид хүмүүс ажиллаж амьдрах, технологийн үйл ажиллагаа хэвийн явагдах агаарын таатай орчинг бүрдүүлэх шаардлага зайлшгүй байдаг ба үүнийг халаалт агаар сэлгэлтийн системийн ажиллагаагаар бүрдүүлдэг.   Халаалтын системийн төсөл тооцооны энэхүү гарын авлагыг халаалт-агаар сэлгэлтийн, сантехник-инженерийн байгууламжийн болон барилгын инженерийн мэргэжил эзэмшиж байгаа оюутнууд системийг төсөллөх, тооцох мөн зураг төслийн инженер техникийн ажилтнууд барилгын дулаан техник, халаалтын системийн тооцоонд ашиглахад зориулан аргачилсан гарын авлага болгон холбогдох лавлах, норм дүрмийг хураангуйлан хавсаргажээ. Гарын авлагад хамгийн өргөн хэрэглэгддэг усан халаалтын системийн төсөл тооцоо хийх сүүлийн үеийн арга аргачлал, барилгын шинэчлэгдсэн норм дүрэм, хөгжингүй орнуудын шинэ техник технологийн ололт дэвшилтийг орчин үед өргөн хэрэглэгдэж байгаа хийц, тоног төхөөрөмж, халаах хэрэгсэл тэдгээрийн сонголт, тооцоог оруулснаас гадна ОХУ-ын ижил мэргэжлийн их дээд сургуулиудын өндөр мэдлэг чадвартай эрдэмтэн, профессор, инженер техникийн хүмүүсийн туурвисан ном сурах, хамтын бүтээл, норм, зааврыг ашигласан нь гарын авлагын чанар үр өгөөжид ихээхэн нөлөөлсөн байна.  