Солонгос үндэстэнд Дорнын улс түмнүүдийн нэгэн адил овог, удам эрт дээр үеэс чухал зүйл байсаар иржээ. Солонгос үндэстний дотор хэд хэдэн овог голлох байр суурийг эзэлсээр ирсэн ба энэ нь эртний овог удмын бичиг, түүхийн эх сурвалжаар нотлогддог. Эдгээр овгийн дотор Ким, Пак овогтнууд зүй ёсоор ордог. Сүүлийн XX, XXI зуунд Солонгосын түүхэнд Ким, Пак овогтой удирдагчид төрөн гарч, сайн, муугаар хэлүүлэн өөрсдийн үзэл бодол, байр суурийг тодорхойлж хүлээн зөвшөөрөгдсөн улс төрч, удирдагч болсон байна. Одоо ч тэд төр засгийг удирдаж байгаа билээ. Уг номонд монгол, солонгос, орос, англи хэлээр хэвлэгдэн гарсан ном товхимол, сонин хэвлэл, цахим мэдээллийн материалыг ашиглан тэдгээр удирдагчийн тухай нэгтгэн хүргэж байна.