'Зөнч мэргэн Гуань-Инь' бол И-Цзинийн дараа орохуйц хятадын мэргэний хамгийн алдартайд тооцогдох туурвил. Энэхүү уламжлалт мэргийг тусгайлсан сүм дор зохих ёсны дэг жаягийн дагуу гүйцэтгэнэ. Тус бүрийг дугаарласан нэг зуун ширхэг хулсан савхыг зориулалтын хайрцаг дотор хийгээд аль нэгийг нь гадагш унах хүртэл сэгсэрнэ. Тэрхүү унасан савхны дугаар охин тэнгэрийн Бошигны тайллын дугаартай дүйнэ. Охин тэнгэрийн энэрэл хайр хүрээ хязгааргүй болохын учир энэхүү мэргэ зөвхөн хятадуудаар үл хязгаарлагдан түмэн олны хүртээл болсоор байна. Дорны мэргэ төлгийн талаар мэргэшсэн Стивен Карчерийн энэ номонд 'Бошигны' зуун тайллыг нэг бүрчилэн орчуулсан төдийгүй Гуань-Инь охин тэнгэрийн хөрөг болон домгийг багтаасан байна. Түүгээр ч тогтохгүй 1-100 хүртэлх тохиолдлын тоог хулсан савхны оролцоогүйгээр сонгох боломжийг энэ ном танд олгох болно. Энэхүү мэргэний хамгийн чухал нь нарийн тогтоосон ёс жаягийг сахихаас гадна Охин тэнгэрийн чин санааг үнэн сэтгэлээсээ хүндэтгэн бишрэхэд оршино.