Монголд дэлгэрэн хөгжиж байсан Бурханы шашины дацан сургуулиуд нь соёл боловсрол, шинжлэх ухааны гол төв болон хөгжиж байсан түүхтэй. Бурханы шашин нь соёл урлаг, шинжлэх ухаан, боловсрол зэрэг бүхий л салбарыг өөртөө багтаан хөгжиж иржээ. Түүгээр ч үл барам олон арван эрдэм номтой шашины томоохон төлөөлөгчид төрөн гарч түүнийхээ хэрээр олон арван зохиол бүтээл туурвин Монголын боловсролын хөгжлийн нэгэн үеийн түүх болон үлджээ. Судлаач П.Гантуяа XVI-XX зууны Монголын хүрээ хийд, XVII-XX зууны эхэн үеийн Бурханы шашины томоохон соён гэгээрүүлэгчдийн бүтээлд судалгаа хийснээ та бүхэнд толилуулж байна.