Цагийг эзэлсэн их аваргууд

Main cover


АНГИЛАЛ
Бөх
ХУДАЛДААНД
2015
Нэгдүгээр сар 1
БҮТЭЭЛИЙН ХЭЛ
MON
Монгол
НҮҮРНИЙ ТОО
604
Нүүр
ISBN-13
9789997376213
ХЭМЖЭЭС
245 x 172 x 31 мм

Зохиолчийн бусад номууд


Ихэвчлэн хамт авдаг

Дээрх бүтээлийг авсан хэрэглэгчид ихэвчлэн эдгээрийг хамтад нь авдаг.

Санал болгох


Танилцуулга

Монгол бөхийн түүх олон мянган жилийн настай. Монголчууд бидний дундаас олон зуун алдарт бөхчүүд төрөн гарсан тэнгэрлэг заяатай. Монголын үе үеийн ард түмэн өөрсдийнхөө дундаас төрөн гарсан алдарт бөхчүүдээрээ бахархаж, тэднийхээ асар их бяр тэнхээ, авхаалж самбаа, уран мэх, барилдааны амжилтыг нь нүдээрээ үзэж, чихээрээ сонсож сэтгэлийн их таашаал хүртэж, баярлаж цэнгэж байдаг төдийгүй өмнөх үеийнхээ их бөхчүүдийг үеэс үе дамжуулан дурсан ярьж, домог мэт яриа хөөрөөгөөрөө хөшөө дурсгалыг нь босгож явдаг сайхан уламжлалтай ард түмэн билээ. Иймийн тулд номын зохиогч Ш.Гоохүү Ардын хувьсгалаас хойш төрөн гарсан 16 аваргын намтар түүх, барилдсан он жилүүд, гаргасан амжилт, тэдгээрийн тухай бусдын үнэлгээ, яриа хөөрөөг нэгэн багц болгон хэвлүүлж одоогоос 15 жилийн өмнө «Цагийг эзэлсэн их аваргууд» нэртэй номыг бөх сонирхогч өргөн олон, нийт ард түмнийхээ хэрэгцээнд зориулан гаргаж байснаа эргэн харж, тэр цаг үеэс хойш шинээр нэмэгдсэн 5 аваргыг оруулж, шинэ мэдээ мэдээллээр баяжуулан хоёрдох удаагаа ийнхүү хэвлэн гаргажээ. Тэрээр их аваргуудын улсын наадамд барилдсан бүх он жилүүдийн барилдаан, түүний амжилтын хувь, хэн хэнтэй яаж барилдав, хэн хэдэн настайдаа ямap амжилт гаргаж байв, нэг наадамд болон нийт наадамд дунджаар хэд давж байсан зэргийг болон барилдааны ид үеийг нь тодорхойлох, аварга аваргынхаа тухай болон ард олон, бусад бөхчүүд нь тэдгээрийн тухай өгүүлсэн сонирхолтой яриа хөөрөөг иж бүрнээр нь гаргахыг хичээсэн байна.

Үзүүлэлт

ISBN-139789997376213
Худалдаанд гарсан огноо2015-01-01
ФорматЗөөлөн хавтастай
Нүүрний тоо604 нүүр
Бүтээлийн хэлМонгол
Жин1010 гр
Хэмжээс245 x 172 x 31 мм

Зохиолчийн талаар

Говь-Алтай аймгийн Төгрөг сумын уугуул. Улаанбаатар хотод Санхүү-Эдийн засгийн техникум, ОХУ-ын Эрхүү хотын Улс ардын аж ахуйн дээд сургуулийг тус тус дүүргэсэн. Санхүү-зээлийн эдийн засагч мэргэжилтэй. Говь-Алтай аймагт банкны орлогч, ерөнхий ня-бо, банкны дарга, Улсын банкны Ерөнхий хорооны хэлтсийн дарга, Сайд нарын Зөвлөлийн референт, Соёлын яамны орлогч сайд, арилжааны банкны Ерөнхий захирал зэрэг алба хашиж байсан. 1970-аад оноос шүлэг зохиол сонирхон оролдож эхэлсэн бөгөөд төв орон нутгийн хэвлэл, зарим ном товхимолд олон арван шүлэг, найраглал нийтлүүлсний дээр үндэсний бөхийн талаар сүүлийн 20 гаруй жил системтэй судалгаа хийж «Зуун далан бөхийн зугаатай хөрөг» (1998 он), «Цагийг эзэлсэн их аваргууд» (2000 он), «Цаглашгүй хүчит арслангууд» (2002 он), «Газар хотолзуулсан заанууд» (2004 он), «Монгол улсын арслан Пагамын Аюуш» (2005 он), «Хонгор нутгийн эрт эдүгээгийн хүчит бөхчүүд» (2006 он), «Монгол улсын харцага хийгээд харцага лугаа начингууд» (2006 он), Төрийн соёрхолт, Ардын уран зохиолч, яруу найрагч Ш.Сүрэнжавтай хамтран 2010 онд «Домогт бөхчүүдийн омогт барилдаан» номуудыг бичиж нийтийн хүртээл болгосон. Өнгөрөгч зууны 90-ээд оны сүүл үеэс эхлэн «Бөх», «Монгол бөх, наадам», «Таван цагариг», «Өнөөдөр», «Зууны мэдээ» зэрэг сонинуудад дан бөхийн тухай 100 шахам өгүүлэл, судалгааны материал нийтлүүлээд байгаагийн зэрэгцээгээр монгол бөхийн сэдэвтэй эрдэм шинжилгээний хуралд хэд хэдэн илтгэл тавьж хэлэлцүүлсэн.

Хэрэглэгчийн сэтгэгдэл

0.0 үнэлгээтэй
Нийт 0 сэтгэгдэл

Сэтгэгдэл үлдээх

Бусад үйлчлүүлэгчидтэй санал бодлоо хуваалцаарай
Та сэтгэгдэл бичихийн тулд нэвтэрсэн байх ёстой. Нэвтрэх

Хэрэглэгчийн сэтгэгдэл байхгүй