Хүн төрөлхтний эрхэм зорилго нь нийгмийн хөгжлийг төгөлдөржүүлж, сайн сайхан амьдралыг бий болгох явдал юм. Нийгмийн хөгжил нь хүмүүсийн бүтээлч үйл ажиллагаанаас хамаарч байдгийг бидний амьдран буй эрин үе харуулж байна. Үйлдвэрлэлийн бодит амьдралаас сэдэвлэн бичсэн уран нийтлэлийн жанрын номын гол баатрууд нь эх орны өнцөг булан бүрт байгаа баялаг бүтээгчид юм. Эдгээр баатрууд уран зохиолын зохиомол дүр биш бүтээлч ажил өрнүүлж, амьдралаа дээшлүүлж, улмаар орон нутгаа ч, эх орноо ч хөгжүүлж байгаа баатрууд юм. Ундран оргилох ажил үйлсийн эзэд болсон энэ баатруудыг нэгтгэн, төр болоод төрийн бус байгууллагуудтай холбон зохион байгуулж, бүтээлч ажил өрнүүлж байгаа нэг хүн бий. Иймд 'Баялаг бүтээгчдийг дэмжинэ' төслийг санаачлагч Баялаг бүтээгчдийг дэмжих холбооны ерөнхийлөгч, Бизнесийн удирдлагын доктор Ч.Даваабаярыг эх орны өнцөг булан бүрт жижиг дунд үйлдвэрлэлийг эхлэн хөгжүүлж байгаа БАЯЛАГ БҮТЭЭГЧ нөхөдтэй нь хамт бичжээ.