Яруу найрагч, багш И.Түмэндэмбэрэлийн хүүхдэд зориулан бичсэн анхны ном багачууд та бүхэнд очиж байна. Зүггүй гаврын төрх, залхуу зарааны өрөвдөлтэй өлсгөлөн бөөдийг сонирхож, 'Б' хамтлагийн тоглолт үзэж, тойрон бүжгийн 'Мөөгхөн' шүлэгт саатаарай. Мөн 'Ахынх' гэдэг шүлэгт хөдөөний малчин ахуйн сүү цагаан идээ боловсруулдаг технологийг нарийн гаргажээ. Харахад энгийн юм шиг хэрнээ хүүхэд багачууд та бүхний идэх дуртай ааруул, ээзгий, бяслаг ямар аргаар, яаж боловсордгийг шүлгээр өгүүлсэн нь сонирхолтой болжээ.