Энэхүү бүтээлд Монгол Улсын Соёлын гавьяат зүтгэлтэн, академич Х.Сампилдэндэвийн Монголын судлалд оруулсан хувь нэмрийг үнэлж дүгнэхийг зорьсон бөгөөд Удиртгал хэсэгт Х.Сампилдэндэвийн эрдэм шинжилгээний олон талт үйл ажиллагааны тухай өгүүлэн * I бүлэгт аман зохиолын иж бүрэн судлал, төрөл зүйлүүд, тэдгээрийн сонгомол эхийг бэлтгэн гаргасан байдал, монгол зан үйл судлалын ажлыг нь авч үзсэн * II бүлэгт Монголын утга зохиолын онол-түүхийн судлал, орчин үеийн уран зохиолын онолын зангилаа асуудлаар дэвшүүлсэн санал, баримталсан байр суурь, түүхийн судалгааны талаар өгүүлсэн. * III бүлэгт Монголын орчин цагийн уран зохиолын уран сайхны шүүмжлэлийн салбарт хийсэн ажил, гоо сайхан, уран чадварын асуудлын талаарх судалгааг нэгтгэн авч үзсэн байна.