Доктор Сьюз нэрээр дэлхийд танигдсан Америкийн нэрт зохиолч, зураач Теодор Сьюз Гейзелийн 'Лоракс' ном нь ногоон хөгжлийг нийтээрээ дэмждэг болохоос олон жилийн өмнө модыг хайрлан хамгаалахын ач холбогдол болон байгаль орчинтойгоо зүй бус харьцах нь ямар үр дагаварт хүргэж болох тухай анхааруулсан байдаг. Энэ гайхалтай ном шинэ үеийн залуу уншигчдыг хүрээлэн буй орчныхоо гоо сайхныг мэдрээд зогсохгүй мөн түүнийг хамгаалах үүрэгтэй гэдгийг ухамсарлахад нь туслах юм. _Хотын тээр захад орших Хогийн ургамалд дарагдсан Үлээх салхи нь хуурай бас өмхий Үхээнц хөгшин хэрээнээс өөр дуугарах амьтангүй Тэр нэгэн гудамжийг Тэнгэрт хөөрсөн Лораксынх гэдэг._ _Хогийн ургамал дундаас Харж сайн чадвал Хэн нэгэн Лораксыг хөөргөж авахаас өмнө Хамгийн сүүлд зогсож байсан газрыг нь Харж харин болдог гэнэ._ _Юу байваа ер нь тэр Лоракс? Юуны учир тэнд байсан юм бол? Яагаад тэнгэрт хөөрч Хогийн ургамлаар дүүрсэн хотын тэр нэгэн захаас Холдож явах болов? Одоо хэр нь тэнд амьдардаг хөгшин ГАНЦХАНЫГ Олж асуу! Овоо юм мэднэ шүү тэр үүний тухай._