Хар зураг анхлан суралцагч нарт зориулан хамгийн түрүүнд эзэмших ёстой чадвар болох эд юмс болон натюрмортын бүтэц байгуулалтыг хэрхэн зурж сурах талаарх онол, дадлага хосолсон ном бүтээхийг зорилоо. Энэхүү ном нь харьцангуй энгийн дүрс, хэлбэртэй юмсаас бүтсэн натюрмортын эд зүйлсийн бүтцийг илэрхийлж байгуулалтыг дүрслэн зурах мэдлэг, дадал, чадварыг төрөлх хэлээрээ дамжуулан зөв эмх цэгцтэй ойлгож эзэмших бололцоог суралцагчдад өгөхөд зориулагдсан юм. Энэ нь тухайн мэргэжилтэн нарын цаашдын уран чадварын амжилтын нэгэн угтал болно.