Тагнуулч бол хамгийн эртний олон мэргэжлийн нэг юм. Бүр эртний Грекийн домгуудад, жишээ нь, бурхнаас галын нууцыг хулгайлж, хүмүүст хэлсэн Прометейн тухай олонтаа өгүүлсэн байдаг. Үнэн хэрэгтээ тиймэрхүү хулгай мэдээж цөөнгүй гарч байсан байж таараа. Дээр үеийн омгийнхны туршуулууд гал гаргах нууцын араас ангуучилдаг байсан төдийгүй, мөн чулуун зэвсэг үйлдвэрлэх нарийн арга ажиллагааг, арьс элдэх технологийг бие биенээсээ янз бүрийн аргаар хулгайлан мэдэж авдаг, хөршүүдийнхээ давуу болоод сул талыг ч хүртэл олж мэддэг байжээ. Ерөнхийдөө тагнуулын үйл ажиллагаа нь хүн төрөлхтөнтэй хамт, бараг түүнээс ч өмнө үүсчээ. Ан амьтдын зан үйлийг судалдаг мэргэжилтнүүд бопох этологууд сармагчин болон бусад хөхтөн амьтдын ан хийдэг, үр жимс, үндэс олж түүдэг арга барилыг, мөн амьдралд хэрэгтэй нууцыг бие биенээсээ олж авдгийг тэмдэглэсэн. Тагнуулын үйл ажиллагаа нь тагнуулч, туршуул, мэдээлэгчгүйгээр байх ямар ч боломжгуй зүйл билээ. Та бүхэн В.И.Далийн толийг хараад үзээрэй, орос хэлний хүлээн зөвшөөрөгдсөн агуу эрдэмтэн тэрээр дээрх ойлголтуудын хооронд онцгой ялгаа байхгүйг харуулсан байгаа. Нөгөө оронд байгаа нэг орны тагнуулчийг тагнан туршигч хэмээн нэрлэдэг. Тэгэхдээ тусгай туршуулуудын хөдөлмөрийг өөр өерөер үнэлж, еерийнхийгөө болохоор бахархан омогшиж, бусдынхыг болохоор үзэн яддаг аж. Харин зөвхөн урвагчдад л сайнаар хандаж байгаагүй бегөөд тагнуулын түүхэнд тийм этгээд цөөнгүй байсан. Орон орны эрх баригчид асар их эрсдэлтэйгээр, заримдаа амь насаараа эрсдэл хийж маш үнэ цэнэтэй мэдээлэл олж байсан туршуулууддаа итгэхээ больсон баримт жишээ олныг дурдаж болно