Аж ахуйн нэгж, төсвийн байгууллага нь удирдлагын бүртгэлийг хэрэгжүүлснээр хууль тогтоомжийн хэрэгжилтэд хяналт тавих, хөрөнгийг үр ашигтай, хэмнэлттэй зарцуулах, байгууллагын ил тод байдлыг хангах, удирдлагад дэмжлэг үзүүлэх, эрсдлээс урьдчилан сэргийлэх, байгууллагын дотоод хяналтыг үр ашигтай байдлыг үнэлэх, баталгаа өгөх зэрэг чухал үүргүүдийг гүйцэтгэх замаар амжилтанд хүрэх нь дамжиггүй. Энэ номонд удирдлагын бүртгэлийн хөгжлийн олон улсын чиг хандлага, олон улсын болон монгол улсын эрдэмдтийн удирдлагын бүртгэлийн талаарх судалгааны ажлын үр дүн, чиглэл, Монгол улсын НӨАТ-ыг төлөгч 343 аж ахуйн нэгжид хийгдсэн судалгааны үр дүн, өөрийн орны дулааны цахилгаан станцид хийгдсэн судалгааны ажлын зарим үр дүн, удирдлагын бүртгэлийн хөтлөх 'Шийдвэр гаргалтын загвар-1', 'Шийдвэр гаргалтын загвар-2', 'Менежерийн буюу удирдлагын тайлангийн загвар'-уудыг санал болгож байна. Эл ном аж ахуйн нэгж, төсвийн байгууллагад удирдлагын бүртгэлийг хэрэгжүүлэх, хяналтын тогтолцоондоо шинэ арга барил нэвтрүүлэн, удирдлагын бүртгэлийн хөгжлийн олон улсын чиг хандлага, арга зүй практик үйл ажиллагаанд ашиглахад туслана гэдэгт найдаж байна.