Амжилт бол зовлон, зовлон бол амжилт гэдэг энэхүү номоороо дамжуулан олон хүнд миний итгэлийн амьдралд хийсэн Эзэний гайхамшигуудыг мэдүүлэхийг хүссэн юм. Есүс миний амьдралыг өөрчилж, намайг ямар ч болзолгүйгээр хайрлаж, бүх гэм нүглийг маань уучилж, мөнх амийг өгч, Өөрийнхөө зөвийн замаар хөтлөн удирдан дагуулдаг гайхамшигтай Эзэнтэй уулзсандаа би үргэлж талархаж байдаг. Олон хүн амжилттай амьдрахыг хүсдэг боловч харин зовлон бэрхшээлийг туулахыг хүсдэгтүй. Тийм учраас энэ зовлон бэрхшээлийг хурдан даван туулж, буруу аргаар амжилтанд хүрэхийг хүсэх хүн цөөнгүй. Гэвч жинхэнэ амжилт бол зовлон байдаг гэдгийг мэддэг хүн бас цөөнгүй. Харин амжилт бол зовлон, зовлон бол амжилт гэдгийг ухаарсан хүн олон байгаасай гэж хүсэж байна. Зовлон бэрхшээл таны амьдралд тулгарч байгаа бол та яг одоо амжилтын өмнө зогсож байна гэдгийг санаарай. Зовлон доторх алдрыг хүмүүс огт анзаардагтүй, харин олон хүн алдар, нэр хүндийг хурдан олж авахыг хүсдэг бол Ариун Библи дээр зовлон болон алдар нь салшгүй хэмээн Эзэн айлдсан байдаг. Эзэний энэхүү гайхамшигт үгийг би тунгаан бодохдоо амжилт бол зовлон, зовлон бол амжилт юм байна гэдгийг ойлгож ухаарсан билээ. Зохиогч