Алтан ургийн Хан хүү Агуу Чингисийн жич ухаант Хүлэгийн гуч Их бүтээн байгуулагч Өлзийт ханы үнэн цадигийг үндэслэн роман бичихээр зориглосон минь энэ. Ил Хан Хүлэгийн амьдрал түүхэнд байгуулсан гавъяагаар бичсэн роман минь ил хаадын мөрөөр орох зам минь болж өглеө. Монголын эзэнт гүрний нутгийн хил болбоос тэр үед: Хойт талдаа емнөд европ, кипчакийн тал бүхэлдээ. Урд талдаа Дундад ази, дорнод туркестаны бүх нутаг: Зүүн талдаа Их хянганы уулс урайнхаан гурван харуул, Солонгосын хойг: Баруун талдаа Ил тарвагатай, өвер кавказ тэр чигтээ: Төвийн хэсэгтээ цагаан хэрмээс хойшхи елгий гэрийн монгол бүхэлдээ, бүх хятад төвдийн өндөрлөг бүтнээрээ багтаж, Ил хант улс нь одоогийн нэршлээр Иран, Ирак, Туркийн төв зүүн хэсэг, Армян, Азарбайджан, Гүрж Пакистаны баруун ба өмнөд хэсэг, Афганистан, Туркменистан зэрэг есөн орны нутаг дэвсгэрийг дамнан оршиж байсан билээ. Эх оронч алсын хараатай эрдэмтэн мэргэдийн бүтээсэн судалгааны нөр их ажилд түшиглэн уран зохиолын аргаар ард түмэндээ түүхэн үнэнийг хүргэх гэсэн чин эрмэлзлэл минь ийнхүү бүтлээ. Азийн зүрхэнд орших цуутай монгол түмэн бидний өвөг дээдэс монгол хүн хэмээх дархлааг дэлхийд үлдээхийн тулд, үр хойч биднийхээ төлее тэсэхийн аргагүй зовлонг туулж хүсэх эрхгүйгээр жаргалыг огоорч явжээ. Монголын агуу дээдэс хаадын алдар цуу үнэн мөнөөреө дурайн буй. Үйлдэл бүхэн нь үнэн баримт гэдгийг дээдсийн өмнө нотлон өгүүллээ.