Ихэнхи хүмүүсийн мөрөөдөж байгаа амьдралыг хойш татаад байдаг зүйл нь юу вэ гэдгийг та мэдэх үү? Мөнгө, ердөө л мөнгө. Учир нь мөнгө бол амьдралын чиг хандлагыг тодорхойлдог. Мөн таны сэтгэлгээний цар хүрээг хэмжих хэмжүүр болно. Мөнгө бол бидний амьдралд санамсаргүй ороод ирсэн зүйл биш. Мөнгийг энергийн нэг хэлбэр гэж үзвэл илүү зохистой. Бид амьдралдаа үнэхээр хэрэгтэй гэсэн зүйлүүддээ энерги зориулах тусам бидэнд тэр хэрээр улам их мөнгө орж ирдэг. Үнэхээр амжилтад хүрсэн хүмүүс их мөнгийг цуглуулах чадвартай байдаг. Зарим нь мөнгеө авч үлддэг, зарим нь тэрийгээ хамт амьдардаг хүмүүстээ зориулан хэрэглэдэг. Гэхдээ тэд бүгдээрээ мөнгийг урсгалд оруулах чадвартай байдаг. Уг нь бид мөнгөний ач холбогдлыг хэт их үнэлэх ёсгүй юм. Гэхдээ мөнгө хэзээ чухал хэрэцээтэй болдгийг мэдэх үү та? Бүх юмаар дутагдаж гачигдах үед. Мөнгөний асуудалтай хүн мөнгөний талаар маш их боддог. Энэ сэдвийг өөрийн болгохын тулд Та нэг удаа энэ сэдвийг маш нухацтай судлаарай. Яг эндээс л эхлэн мөнгө амьдралыг дэмжигч хүч болон хувирна.