Бодь хүний оюун ухааны төсөөллийн гайхамшигийг бодит хөрсөн дээр буулган хөрвүүлэгч мутар, шидийг бүтээгч график дизайнерууддаа зориуллаа.Түүх эргэн сөхөхөд өдгөөгөөс 15 жилийн өмнө миний бие анхлан Монгол хэл дээр дэлхийн шилдэг график дизайн, хэвлэлийн эх бэлтгэлийн программуудын Хэрэглэгчийн хөтөч цуврал номыг эмхэтгэн гаргах их ажлаа Adobe Photoshop 5.0 программын сурах бичиг номыг туурьвиж эхэлсэн юм. Үүнээс хойш нийт арав гаруй программын сурах бичиг буюу Хэрэглэгчийн хөтөч номыг эмхэтгэсэн. Adobe Premiere Pro программын CS6 энэ хувилбарыг өдөр тутмын ажилдаа хэрэглэхэд зүйтэй.Улмаар мэргэжил нэгт Монгол дизайнерууддаа мэдсэн судласан мэдлэгээсээ хуваалцахын сацуу шинээр видео график дизайнер болохоор зорьж буй залуустаа 'хөтөч' нь болох номоо бичиж дуусгалаа. Premiere Pro программ нь видео дүрсийг эвлүүлж монтажлах мэргэжлийн бөгөөд ижил төрлийн бусад программууд дотроо хамгийн шилдэг нь юм.