Монгол

<p>Хүүхэд чинь сайн хүн болж өссөнийг харах шиг аз жаргал үгүй. Ш.Чоймаа багшийн өгүүлснээр Хүмүүжил хэмээх монгол үг нь хүмүн (Хүн)+ж+л гэж үгийн бүтцээр задардаг гэж хэлснээс улбаалвал хүмүүжүүлнэ гэдэг нь хүн шиг хүн болгоно гэсэн үг болохнээ. Тэрээр бидний өвөг дээдэс хүүхдээ хүмүүжүүлэхдээ эхийн хэвлийд байхаас эхлээд эрийн цээнд хүртэл нь &nbsp;бие хэл, сэтгэл гурвыг нь зөв залж зан суртахуун, өдөр тутмын зан үйлээрээ дамжуулан монгол ёс заншлын олон талыг эзэмшүүлдэг байсан ба монгол хүний үр сад &nbsp;болж заяасан л бол монгол хүн болж төлөвших ёстой &nbsp;хэмээн үздэг нь уламжилсан бичигдээгүй хуультай байсан гэжээ. Ёс бус, буруу зүйл хийсэн хүнийг монголоо алдсан гэж хэлдэг байсан нь үүнээс үүдэлтэй байх нь.</p>