Манай улс гадаадын хөрөнгө оруулалтын эрх зүйн таатай орчныг бүрдүүлэх талаар өнгөрсөн хугацаанд үр дүн нь чамлалттай авч, анхаарч ирснийг юуны урьд хэлэх нь зүйтэй биз. Гадаадын хөрөнгө оруулалтын тухай 1990 оны хууль нь нээлттэй эдийн засгийг суурь бодлогоо хэмээн зарласан, зах зээлийн харилцааны амин хүчин зүйлсийг зохицуулахыг чармайсан анхдагч шинж бүхий зоримог шийдэлд зүй ёсоор тооцогддог. Үндсэн хуулийн үзэл баримтлалын дагуу улс төр, эдийн засаг, нийгмийн амьдрал дахь эрсөөрчлөлтийн хүрээнд хуримтлагдсан мэдлэг, туршлага, алдаа оноондоо тулгуурлаж Гадаадын хөрөнгө оруулалтын тухай хуулиа 1993 онд манайх шинэчлэн найруулсан төдийгүй хөрөнгө оруулалтын зохицуулалтыг тогтвортой, нээлттэй байлгах чиглэгдсэн нэмэлт, өөрчлөлтүүдийг хийж ирсэн. Одоо манай улс 2013 онд батлагдеан хөрөнгө оруулалтын төрөлжсөн хуультай болж, төрийн захиргааны мэргэшсэн байгууллага нь нэлээд туршлагажиж чадсанаараа хөрөнгөоруулалтыг урамшуулан дэмжиж, хөрөнгө оруулагчдын эрх, ашиг сонирхол, эд баялгийг хамгаалах механизм бүрдсэн юм.