Ээж. Энэ гуравхан үсгэнд ямар их шид оршино вэ. Ер нь ертөнцийн ямар ч хэл дээр энэрэл хайр дүүрэн сонсогддог ганцхан үгийг 'Ээж' гэж би боддог. Ялангуяа монголчууд бид ээжийгээ эгнэгт дурсаж, эхийн тухай дууг нулимстай аялж, энэ хорвоогоос буцан буцталаа ээжээ дуудсаар өтөлдөг өвөрмөц ард түмэн. Унахдаа ч, уулгалахдаа ч 'Ээж ээ' гэдэг зон олон Монголоос өөр оронд байдаггүй байх. Байдаг байсан ч хамаагүй, би ингэж л бодох дуртай. Тиймдээ ч, нутгийн дүү, сэтгуулч, яруу найрагч Батмөнхийн Чулуунцэцэгийн 'Ээж' хэмээх эссэ нийтлэлийн анхны номьг өлгийг нь засалцах болсондоо туйлаас билгэшээсэн хэрэг. Хүн бүрийн сэтгэлд сүмбэрлэн байдаг, зүрхэнд суудалтай ээжийн тухай үзэглэн бичих тийм амар зүйл биш байна. Та сэтгэлээ нэг шалгаад үзээрэй. Ээждээ дэндүү хайртай гэдгээс цааш нэг л явж өгөхгүй гацах бий вий....